نواز شریف اتے زرداری ماضی دا قصہ بݨ چکئن ، انہاں دا نہ مستقبل اے تے نہ حال، وفاقی وزیر اطلاعات چوہدری فواد حسین
APP52-170821
ISLAMABAD: August 17 - Federal Minister for Information and Broadcasting, Chaudhary Fawad Hussain briefing to media persons about the decisions taken in Federal Cabinet meeting. APP
اسلام آباد۔5جنوری (اے پی پی):وفاقی وزیر اطلاعات و نشریات چوہدری فواد حسین آکھیے جو نواز شریف اتے زرداری ماضی دا قصہ بݨ چکئن ، انہاں دا نہ مستقبل اے تے نہ حال، جݙاں کوئی سیاستدان آپݨے پیراں تے کھڑا تھی کراہیں سیاست نی کرسڳدا تاں افواہیں دا سہارا گھندے ، پاک فوج دے ترجمان وی قیاس آرائیاں کوں رد کر ݙتے۔ اے ڳال انہاں ٻدھ کوں اتھاں وفاقی وزیر داخلہ دی کتاب ”لال حویلی توں اقوام متحدہ تک ۔ سیاست دے پنجاہ سال“ دی تقریب رونمائی توں خطاب اتے صحافیاں نال غیر رسمی گال مہاڑ کریندے ہوئیں آکھی اے ۔ چوہدری فواد حسین آکھیے جو مستقبل دے سیاستدان کوئی ٻئے ہن ، اے سلسلہ زرداری اتے نواز شریف دے بغیر ہی اڳوں چلݨا اے ، ایندے توں پہلے تقریب توں خطاب کریندے ہوئیں وفاقی وزیر اطلاعات آکھیے جو شیخ رشید احمد ساݙی سیاست دا روشن پہلو ہن، انہاں ہمیشہ ملکی سیاست دا روشن پہلو اجاگر کیتے۔ چوہدری فواد حسین شیخ رشید احمد دی سیاسی خدمات تے انہاں کوں خراج تحسین پیش کریندے ہوئیں آکھیے جو شیخ رشید احمد 1977ءاچ پہلا الیکشن لڑیا ، اوں ویلھے توں گھن تے اڄ تئیں او ملکی سیاست دا محور رہ ڳئن ۔ انہاں آکھیے ھک سیاسی کارکن دی حیثیت توں آپݨے سفر دا آغاز کرݨ آلا بندہ اڄ ملک دی نامور شخصیت اے۔
