اسلام آباد ۔ 2 فروری (اے پی پی) پاکستان بیت المال دے مینجنگ ڈائریکٹر عون عباس بپی آکھیے جو پاکستان بیت المال دی ذمہ داری کہیں نعمت توں گھٹ کائنی،پورے ملک دے غریب،معذور،لوکاں دی فلاح اتے علاج معالجہ سودھا مستحق طلباءکوں تعلیمی وظائف ڈیونڑ تے ودھ توجہ اے۔اے گالھ انہاں قومی خبر رساں ادارہ ”اے پی پی“ دے دورہ اتے خصوصی پینل انٹرویو اچ آکھی۔انہاں ادارے دے مختلف شعبیاں دا وی دورہ کیتے جتھاں ڈائریکٹر نیوز شفیق قریشی انہاں کوں مختلف اخبارات اتے ٹی وی چینلز کوں مصدقہ خبراں، تصاویر، اتے ویڈیو نیوز رپورٹس سودھا کثیر زباناں اچ خبراںکےڈیونڑ کیتے اے پی پی دے پیشہ وارانہ امورتے بریفنگ ڈتی۔ایم ڈی بیت المال عون عباس بپی قومی خبر رساں ادارے دی پیشہ وارانہ خدمات دی تعریف کیتی۔ایم ڈی بیت المال آکھیے جو پاکستان بیت المال تربت توں ہنزہ تئیں سرکاری شعبہ دی 80 جامعات دے مستحق اتے قابل طلباءکوں تعلیمی وظائف کیتے آپ خط لکھین تاں جو ادارہ اعلی تعلیم کیتے وی حکومتی کوششاں اچ حصہ پا سگے۔ انہاں ڈسائے جو سرکاری شعبہ دی 40 یونیورسٹیاں نال ایم او یوتھی چکیے جو مستحق اتے قابل طلباءکیتے ہک لکھ روپے تئیں تعلیمی وظائف ڈتے ونجن ،باقی یونیورسٹیاں نال وی تیکھے ایم او یو کیتے ویسن،ہنڑ تئیں ہک سال اچ سرکاری جامعات دے 8500 مستحق طلباءکوں تعلیمی وظائف ڈتے گین،ایں پروگرام دے تحت پنجھافیصد طالبات کوں تعلیمی وظائف یقینی بنڑائن تاں جو مستحق طلبہ دا تعلیم جاری رکھنڑ اچ ہتھ ونڈایا ونج سگے۔انہاں ڈسائے جو پاکستان بیت المال ایں مالی سال 2633 طلبہ و طالبات کوں تعلیمی اعانت ڈتی اے، 18 ہزار 375 طلباءو طالبات کوں تعلیمی وظیفے ڈتن جڈاں جو پچھلے سال 47 ہزار طلباءکوں تعلیمی وظائف اتے 40 ہزارتوں ودھ طلبہ کوں تعلیمی اعانت ڈتی ہئی۔
.jpg)
