اسلام آباد۔14ستمبر (اے پی پی):پاکستان تے جرمنی تجارت اتے سرمایہ کاری سودھے ݙوطرفہ دلچسپی دےسارے شعبیں اچ تعاون ودھاوݨ دے عزم دا اعادہ کیتے جݙاں جو جرمنی سیلاب توں متاثرہ لوکاں دی امداد کیتے پاکستان کوں مکمل تعاون دا یقین ݙیوائے ۔ وفاقی وزیرخزانہ مفتاح اسماعیل نال ٻدھ کوں اتھاں پاکستان اچ جرمنی دے سفیر الفرڈ گراناز ملاقات کیتی۔ وفاقی وزیر جرمن سفیر کوں پاکستان اچ نویاں ذمہ واریاں سنبھالݨ تے مبارخ ݙتی تے انہاں کیتے نیک خواہشات دا اظہار کیتے۔ وزیرخزانہ پاکستان تے جرمنی وچا؛ ݙوپاسے تعلقات تے روشنی پاتی ۔ انہاں ݙسائے جو پاکستان جرمنی دے نال آپݨے تعلقات بالخصوص تجارت ، سرمایہ کاری اتے معیشت دے شعبیں اچ تعاون کوں ٻہوں اہمیت ݙیندے ۔ وزیرخزانہ ملک اچ کاروبار اتے غیر ملکی سرمایہ کاری ودھاوݨ کیتے موجودہ حکومت دی طرفوں چاتے ڳئے اقدامات بارے ݙسایا ، انہاں آکھیے جرمنی دے سرمایہ کاراں کوں پاکستان اچ سرمایہ کاری دے موقع توں فیدہ چاوݨا چاہیدے۔ وزیرخزانہ جرمنی دے سفیر کوں پاکستان اچ ساوݨ دے اڄوکے مینھ تے سیلاب توں جانی تے مالی ضیان دا ݙسایا ۔ جرمن سفیر وزیر خزانہ دا شکریہ ادا کیتا۔ انہاں پاکستان نال مختلف شعبیں بالخصوص اقتصادی تے تجارتی تعلقات ودھاوݨ اچ دلچسپی ظاہر کیتی۔ جرمنی دے سفیر اڄوکے سیلاب توں تھیوݨ آلے جانی تے مالی ضیان تے افسوس تے ہمدردی کیتی ۔ انہاں آکھیے جو جرمنی امدادی کارروائیاں اچ پاکستان نال پورا تعاون کریسی ۔
.jpg)
