اسلام آباد۔12ستمبر(اے پی پی) چیئرمین سینیٹ سید یوسف رضا گیلانی نال یورپی یونین دے خصوصی ایلچی براؤن وان ??ائ??ے برائے مذاہب و عقائد دے ودھارے وفد دے رلے پارلیمنٹ ہاؤس اچ ملاقات کیتی ۔ چیئرمین سینیٹ وفد کوں پارلیمنٹ ہاؤس اچ خوش آمدید آکھیے ۔ سید یوسف رضا گیلانی آکھیے پاکستان یورپی یونین تے ایندے رکن ملکاں نال آپݨے وکھری قسم دے تعلقات قدر دی نگاہ نال ݙیکھدے تے پاکستان یورپی یونین نال ݙو پاسے تعلقات کوں سانجھے فیدہ مند تے سٹریٹجک شراکت داری ??چ بدالݨ سانڳے پرعزم اے ۔ پاکستان-یورپی یونین مشترکہ کمیشن دا جمہوریت، گورننس، قانون دی حکمرانی اتے انسانی حقوق متعلق ھک ذیلی گروپ بݨایا ڳئے ۔چیئرمین سینیٹ آکھیے جی ایس پی پلس تے تعاون سانڳے شکر گزار ہیسے تے پاکستان یورپی یونین نال تعاون مزید ودھاوݨ چاہندے ۔ انھاں آکھیے یورپی یونین تے پاکستان وچال بین الاقوامی فورمز تے بہترین تعاون موجود اے اتے پاکستان بین المذہب ہم آہنگی، پر امن بقائے باہمی تے یقین رکھیندے ۔ چیئرمین سینیٹ آکھیے پاکستان دا آئین سارے شہریاں دے بنیادی حقوق دی ضمانت ݙیندے ۔پاکستان اچ وسݨ آلی ساریاں اقلیتاں کوں مکمل مذہبی آزادی اے ۔ ترقی پسند انسانی حقوق دے قانون دے نفاذ اتے ادارہ سازی کوں ودھارا ݙیوݨ سانڳے اقدامات چیندے پیوں۔ پاکستان دے پارلیمان اقلیتاں دے حقوق دے تحفظ سانڳے قانون سازی دی اے تے پاکستان ھک کثیر الثقافتی ملک اے۔ چیئرمین سینیٹ آکھیے پاکستان اچ مذہبی رواداری، افہام و تفہیم تے ھک ݙوجھے دی مذہبی اتے ثقافتی اقدار کوں بھرپور عزت و تکریم ݙتی ویندی اے تے پاکستان اچ دنیا دی پراݨی تہذیباں دے اثاثے موجود ہن۔ انہاں آکھیے میں بطور وزیراعظم پاکستان بین المذہب ہم آہنگی دی وزارت بݨائی ہئی ۔اقلیتاں پاکستان دی ترقی و خوشحالی اچ بہترین کردارنبھائے ۔پاکستان دا آئین ملک اچ وسݨ آلیاں ساریاں اقلیتاں کوں مذہبی آزادی اتے تحفظ ݙیندے ۔ آزاد میڈیا اتے سول سوسائٹی دے نال عدلیہ اچ وی ملک اچ اقلیتوں دے حقوق دے حوالے نال ٻہوں چوکس رہی اے ۔ اقلیتاں دیاں عبادت گاہواں دا تحفظ یقینی بݨاوݨ سانڳے ضروری ??قدامات کیتے ڳئن ۔ سید یوسف رضا گیلانی آکھیے پاکستان اچ سرمایہ کاری ??ے وݙے موقع ہن تے یورپی یونین ملک پاکستان اچ موجود سرمایہ کاری ??ے موقع توں فیدہ چاسڳدن ۔پارلیمانی وفد دے تبادلیں نال یورپی یونین ملکاں نال تعلقات مزید تکڑے کیتے ونڄ سڳدن ۔ شہید محترمہ بینظیر بھٹو اقلیتاں کوں خصوصی اہمیت اتے پارلیمان اچ نمائندگی ݙتی۔ اقلیتاں نال تعلق رکھݨ آلے ار??ان پارلیمنٹ قانون سازی اچ موثر کردار نبھیندے پئن۔ ملاقات اچ موجود ار??ان سینیٹ وی یورپین یونین نال تعلقات کوں اہم قرارݙتے ۔ سینیٹرز شیری ??حمان ،مولانا عطا ءالرحمن ،منظور احمد کاکڑ ،ثمینہ ممتاز زہری ??علی ظفر ،فیصل سبزواری وی ملاقات اچ موجود ہن ۔ چیئرمین سینیٹ ملاقات اچ افغان مہاجرین دا مسئلہ وی چاتا انھاں آکھیے پاکستان اچ لکھاں افغانی پناہ گزین موجود ہن انھاں دی وطن واپسی اہم مسئلہ اے تے عالمی برادری ??یں اہم مسئلے دے حل سانڳے اڳوں آوے ۔ چیئرمین سینیٹ آکھیے غزہ اتے مقبوضہ کشمیر اچ جاری ??لم تے بربریت انسانی حقوق دیاں پامالیاں کوں روکݨا ہوسی تے غزہ اچ وختی جنگ بندی کرتے امن گھن آیا ونڄے ۔مقبوضہ کشمیر اچ جاری ??لم تے ترقی یافتہ ملکاں تے عالمی برادری کوں چپ نی رہݨا چاہیدا ۔ یورپی یونین دے وفد پاکستان کوں اہم ملک قرار ݙیندے آکھیے اساں پاکستان نال سانجھے تعاون کوں اہم سمجھدوں تے تعاون تے رابطہ کاری مزید ودھاوݨ چاہندوں۔
.jpg)
.jpg)
