گزریل چار سال اچ ترقیاتی بجٹ دا حجم ودھݨ دی بجائے سکڑ ڳئے، احسن اقبال

اسلام آباد۔21ستمبر (اے پی پی):وفاقی وزیر منصوبہ بندی، ترقی ،اصلاحات و خصوصی اقدامات احسن اقبال آکھیے جو پاکستان ایں ویلھے بحرانی کیفیت توں گزردا پئے ، گزریل چار سال اچ ساݙے ترقیاتی بجٹ دا حجم سکڑ ڳئے ، مانیٹرنگ اینڈ ایویلیو ایشن ھک وݙا تقاضا اے ۔اے ڳالھ انہاں ٻدھ کوں اتھاں مانیٹرنگ اینڈ ایویلیو ایشن بوٹ کیمپ دی تقریب توں خطاب کریندے ہوئیں آکھی اے ۔ وفاقی وزیر آکھیے جو پاکستان ایں ویلھے بحرانی کیفیت توں گزردا پئے ، گزریل چار سال اچ ساݙے ترقیاتی بجٹ دا حجم سکڑڳئے۔ انہاں آکھیے جو ترقیاتی بجٹ کوں ودھا تے ݙوگنا کرݨا چاہیدا ہئی ۔ 2013 اچ ترقیاتی بجٹ340 ارب ہئی جیں کوں پنج سال بعد 1 ہزار ارب تے چھوڑیا ہئی ۔ بعد اچ ترقیاتی بجٹ ودھݨ دی بجائے گھٹ تھئے ، انہاں آکھیے جو مانیٹرنگ اینڈ ایویلیو ایشن ھک وݙا تقاضا اے۔ مانیٹرنگ توں شفافیت دے نال استعداد کار اچ وی بہتری توں وی آندی اے ۔ مانیٹرنگ توں اہداف دی تکمیل کوں وی جانچیا ونڄ سڳدے وفاقی وزیر آکھیے کہیں وی آرگنائزیشن اچ ایندی انوسمنٹ کوں استعمال کرݨ کیتے مانیٹرنگ دا شعبہ ٻہوں اہمیت رکھیندے ۔ ہر منصوبے دے کے پی آئیز دا تعین ہووݨا چاہیدے ۔

مضمون کا ماخذ : raspadinha acumulada

متعلقہ مضامین